អីយ៉ាស់! ពេជ្រ សោភា ទម្លាយរឿងលុយកាក់ជាមួយ ឆឹម សក្កដា ថា…

ទស្សនិកជនភាគច្រើនសុទ្ធតែដឹងច្បាស់រួចមកហើយថា កំពូលតារាចម្រៀងកំពុងឡើងកូដខ្លាំងអ្នកនាង ពេជ្រ សោភា និង តារាសម្ដែងរូបសង្ហា ឆឹម សក្ដដា គឺជាគូស្នេហ៍សិល្បៈដ៏ផ្អែមល្ហែមមួយគូ ហើយអ្នកទាំងពីរក៏តែងតែបង្ហាញក្ដីស្រឡាញ់ចំពោះគ្នាទៅវិញទៅមកឱ្យអ្នកគាំទ្រឃើញពីសុភមង្គលរបស់ពួកគេទាំងពីរជារឿយៗផងដែរ ។

ដោយឡែកនៅសុខៗ តារាចម្រៀងដែលមានប្រជាប្រិយភាពអ្នកនាង ពេជ្រ សោភា ស្រាប់តែបង្ហើបពីរឿងលុយកាក់ដែលពួកគេទទួលបានពីការធ្វើការងាររួមគ្នានៅលើគណនីហ្វេសប៊ុក បង្កជាការងឿងឆ្ងល់ដល់បណ្ដាអ្នកគាំទ្រជាខ្លាំង ព្រោះតែពួកគេទាំង២ សុទ្ធសឹងតែជាសិល្បករ-ការិនីកំពុងត្រូវប៉ាន់ផង និង ជាគូស្នេហ៍ដ៏ផ្អែមល្ហែមថែមទៀតផង ។

បើយោងតាមការលើកឡើងរបស់អ្នកនាង ពេជ្រ សោភា បង្ហោះនៅលើបណ្ដាញសង្គមហ្វេសប៊ុករបស់ខ្លួន នឹងទម្លាយឱ្យដឹងថា ចាប់តាំងពីអ្នកនាងស្គាល់គ្នាជាមួយតារាសម្ដែង ឆឹម សក្ដដា និង ថតស្ប៉តពាណិជ្ជកម្មផ្សេងៗរួមគ្នាកន្លងមក តារាសម្ដែងរូបនេះ តែងតែបើកសិទ្ធិឱ្យខ្លួនទទួលបានប្រាក់ច្រើនជាងរាល់ដង ទោះបីជាថតហត់ដូចគ្នាក៏ដោយ ។

«តាំងពីស្គាល់គ្នាមក មិនដែលឮនិយាយថាស្រឡាញ់របស់អីសោះ ថតហត់ដូចគ្នាបើកលុយមក ប្រាប់ថាមីងយកច្រើងជាងខ្ញុំទៅ ព្រោះមីងជាមនុស្សស្រីថតហត់ជាងខ្ញុំ អត់យល់តើមកពីអីអាចជួយប្រាប់បានទេ?» អ្នកនាង ពេជ្រ សោភា បានលើកឡើងបែបនេះ ដោយភ្ជាប់មកជាមួយរូបថតមួយសន្លឹកជាមួយគូស្នេហ៍ ធ្វើឱ្យអ្នកគាំទ្រញញឹមបិទមាត់មិនជិតទេ ។