ពេលថ្មីៗនេះ មានពត៌មានក្តៅៗទើបតែផុសនៅក្នុងបណ្តាញសង្គមហ្វេសបុក ដោយអាខោនឈ្មោះ Morn Sophak ដែលបរិយាយយ៉ាងខ្លីថា ករណីប្រើប្រាស់គ្រឿងញៀន
និងមានរូបថតពីរសន្លឹកដាក់ទន្ទឹមគ្នា គឺជារូបស្រីស្អាតទាំងពីរនាក់តែម្តង។
ករណីនេះពិតជាចម្លែកណាស់ ដែលក្មេងស្រីស្អាតៗ ២នាក់ត្រូវបានជាប់ខ្នោះនៅនឹងដៃដោយស្នាមញញឹមយ៉ាងស្រស់ទៀតផង។ ពួកគេមើលទៅជាក្មេងស្រីដែលមានអាយុក្រោម២០ឆ្នាំ មានរូបយ៉ាងស្រស់សោភា មានសក់វែង និងស្លៀកពាក់ខោអាវខ្មៅទាំងពីរនាក់ដែរ ។ បើមើលទៅដៃវិញគឺជាប់ជាប់ខ្នោះទាំងពីរ ដែលម្នាក់ជាប់ដៃខាងឆ្វេងនិងម្នាក់ទៀតជាប់ដៃខាងស្តាំ។
បើតាមការផុសរូបភាព និងករណីការប្រើប្រាស់គ្រឿងញៀនដោយក្មេងស្រីស្អាតទាំងពីរនេះ គឺមានការចាប់អារម្មណ៍ខ្លាំងណាស់ពីអ្នកលេងហ្វេសបុក ទាំងស្រី និងទាំងប្រុស គឺគ្រាន់តែផុសបាន៤ម៉ោងសោះ មានអ្នកចុចឡាច ភ្ញាក់ផ្អើល និងសើចដល់ទៅ៣០០០នាក់ជាង អ្នកស៊ែររហូតដល់ជិត៩០០០នាក់ រី ឯអ្នកខំមិនវិញគឺជិត៤០០នាក់ដែរ តែមកដល់ឥទ្បូវចំនួនកើនទ្បើងជាលំដាប់ ។
ជាការពិតណាស់ ការប្រើប្រាស់គ្រឿងញៀនគ្មានអ្វីល្អនោះទេ គឺត្រូវតែនិយាយថាទេចំពោះគ្រឿងញៀន ឬជៀសឲ្យឆ្ងាយពីវាទើបជាការប្រសើរ ។ យុវជនភាគច្រើនមានការភ្លើតភ្លើននិងចង់សាក់អ្វីដែលថ្មីនៅក្នុងជីវិត ដូច្នេះហើយពេលខ្លះពួកគេបានធ្លាក់ចូលក្នុងអន្ទាក់នៃគ្រឿងញៀន និងអំពើពាលាដែលសង្គមស្អប់ខ្ពើម ។ ពេលខ្លះទៀត ដោយសារតែការសេពគប់មិត្តខុស ក៏ធ្វើឲ្យពួកគេដើរក្នុងផ្លូវខុសដែរ ហើយធ្វើឲ្យពួកគេខូចអនាគតទៀងផង។
យើងត្រូវចាំថាការប្រើប្រាស់គ្រឿងញៀននឹងបំផ្លាញជីវិតមនុស្សទាំងរស់តែម្តង គឺធ្វើឲ្យប៉ះពាល់ដល់សុខភាព អស់លុយកាក់ដោយឥតប្រយោជន៍ ខាតពេលវេលា មិនបានរៀនសូត្រធ្វើឲ្យពួកគេក្លាយជាក្មេងអាក្រក់ គ្មានគេរាប់អាន ប៉ះពាល់កិត្តិយសគ្រួសារ ហើយពេលខ្លះត្រូវបាត់បងទាំងជីវិតទៀតក៏មាន។ ដូច្នេះត្រូវជៀសឲ្យឆ្ងាយពីគ្រឿងញៀនហើយខំប្រឹងរៀនទាន់ខ្លួននៅក្មេងដើម្បីកសាងអនាគតមួយដ៏រុងរឿងមានន័យ៕
ប្រភព kandob.com
Post a Comment