អតីតតារាសម្តែង សុក សុភា ឆ្លើយតបទៅអ្នកដែលសួរលោកថា ហេតុអីចាំបាច់ប្រឹងខ្លាំងម្លេះប៉ុណ្ណឹងហើយនៅប្រឹងអីទៀត(មានវីដេអូ)

អតីតតារាសម្តែងដែលធ្លាប់ទទួលបានប្រជាប្រិយភាព និង ការគាំទ្រខ្លាំង លោក សុក សុភា ហៅនាយ ខៀវ បានបង្ហោះសារដ៏មានអត្ថន័យមួយក្នុងគណនីហ្វេសប៊ុកផ្ទាល់ខ្លួន ជាការឆ្លើយតបទៅកាន់បងប្អូនមួយចំនួនដែលតែងសួរលោកថា ហេតុអីចាំបាច់ប្រឹងខ្លាំងម្លេះប៉ុណ្ណឹងហើយនៅប្រឹងអីទៀត?

លោកបានសរសេររៀបរាប់យ៉ាងដូច្នេះថា៖ គេនិយាយថាពួកខ្ញុំហេតុអីចាំបាច់ប្រឹងខ្លាំងម្លេះប៉ុណ្ណឹងហើយនៅប្រឹងអីទៀត ពួកខ្ញុំឆ្លើយថា… ខ្ញុំប្រឹងព្រោះខ្ញុំធ្លាប់លំបាក ខ្ញុំប្រឹងព្រោះខ្ញុំមិនចូលចិត្តក្រ ខ្ញុំប្រឹងព្រោះខ្ញុំស្អប់ការមើលងាយរបស់មនុស្ស ខ្ញុំប្រឹងព្រោះមិនចង់រស់ដោយគ្មានតម្លៃក្នុងភ្នែកអ្នកដ៏ទៃ ខ្ញុំប្រឹងព្រោះទាន់មានឱកាសដែលខ្ញុំនៅធ្វើបាន ខ្ញុំប្រឹងព្រោះមនុស្សឥលូវកំណត់សំគាល់គ្នានៅលើទ្រព្យសម្បត្តិ ខ្ញុំប្រឹងព្រោះខ្ញុំមិនចង់ឲ្យអ្នកនៅជុំវិញខ្ញុំលំបាក ខ្ញុំប្រឹងព្រោះខ្ញុំត្រូវសំរេចបំណងប្រាថ្នារបស់ខ្ញុំនៅថ្ងៃខាងមុខ បើប្រឹងហើយនៅតែមិនមានក៏ខ្ញុំមិនតូចចិត្តដែរ សុំរាប់អានខ្ញុំផងបាទ

គួរបញ្ជាក់ផងដែរថា មួយរយៈចុងក្រោយនេះ គេតែងសង្កេតឃើញ លោកសុក សុភា និង ភរិយារបស់លោកបានធ្វើការLiveវីដេអូជាច្រើន និង ញឹកញាប់ផងដែរ ដើម្បីជាការផ្សព្វផ្សាយ ក៏ដូចជាលក់ដូរនូវមេក្រូBluetooth ដែលអាចច្រៀងបានយ៉ាងងាយស្រួល ដោយពុំចាំបាច់ត្រូវការសម្ភារៈស្មុគស្មាញនៅទេ។ ម្យ៉ាងវិញទៀត ភរិយារបស់លោក ក៏បានឆ្លៀតលក់ប្រភេទមួកចាក់ដោយដៃតាមបណ្តាញសង្គមជាច្រើនថែមទៀតផង។