បែកធ្លាយ មុខមាត់ស្រីកំណាន់ សុវណ្ណ មករា ហើយ

រយៈពេលអូសបណ្លាយជាយូរមកហើយ ដែលប្តីប្រពន្ធធ្លាប់តែល្អូកល្អើនលោក សុវណ្ណ មករា និងអ្នកនាង ឈិន សុធារី មានទំនាស់រហូតត្រូវលែងលះគ្នា។ ពេលនេះមុខមាត់ស្រីកំណាន់របស់ សុវណ្ណ មករា ឈ្មោះ ចោម ច័ន្ទ ត្រូវបានលាតត្រដាង ហើយត្រូវឈិន សុធារីគម្រាមប្តឹងស្រ្តីរូបនេះ បើអតីតស្វាមីរបស់ខ្លួននៅតែមិនព្រមចូលខ្លួនមកផ្តិតមេដៃលែងលះឲ្យដាច់ស្រេច។

ក្រោយស្គាល់មុខស្រីកំណាន់លួចលាក់ដែលបានរួមរស់ក្រៅផ្លូវច្បាប់ជាមួយ សុវណ្ណ មករា អ្នកនាងឈិន សុធារី បានក្តោបទុកជាភ័ស្តុតាងសំខាន់ ដែលអាចប្តឹងរូបលោក ពីបទភិតក្បត់ ហើយនេះជាមូលហេតុតែមួយគត់ដែលអាចឲ្យអ្នកនាងបានសិទ្ធគ្រប់គ្រងផ្ទះនៅបុរីវិមានភ្នំពេញ ដោយអះអាងថាជាលុយរបស់ខ្លួនទិញយក។

បើការលែងលះបានសម្រេច នោះសុវណ្ណមករា មិនសល់អ្វីក្រៅពីសំបកខ្លួន ដោយកូននឹងត្រូវនៅជាមួយម្តាយ ហើយខ្លួនត្រូវចេញលុយជួយចិញ្ចឹមកូន ឯទ្រព្យសម្បត្តិនិងផ្ទះនឹងបានលើអ្នកនាង ឈិន សុធារី។

ចំពោះថ្ងៃបរិច្ឆេទប្តឹងនារីឈ្មោះ ចោម ច័ន្ទ ដែលជាតារាម៉ូដែល អ្នកនាង ឈិន សុធារីនៅមិនទាន់កំណត់ គ្រាន់តែថាបានរៀបចំសំណៅឯកសារប្តឹងសាហាស្មន់លោកអតីតស្វាមីខ្លួននារីរូបនេះរួចហើយ។ អ្នកនាងសង្ឃឹមថា មានតែការប្តឹង នារីឈ្មោះ ចោម ច័ន្ទនេះទេ ទើបអាចជាសម្ពាធបង្ខំឲ្យ សុវណ្ណមករា ព្រមលែងលះខ្លួនតាមច្បាប់ និងព្រមផ្តល់អាហារកិច្ចដល់កូនភ្លោះទាំងពីរ៕